صن بلوك bio balance

Hello hello y helween ❤
ريڤيو النهارده عن صن بلوك حلو اوي بجد bio balance
*كلنا عارفين دلوقتي اننا مينفعش نخرج من غير صن بلوك سواء ف صيف او شتا لان الصن بلوك بجد بيفرق جدا جدا ف البشره و بيحمي من بلاوي زي التجاعيد و البقع السمرا و العجز
* الصن بلوك ده فيه كل حاجه و كمان سعرو حلو اوي انا بقالي فتره طويله بستعمله و بجد مرتاحه فيه جدا
*ميزه الصن بلوك ده انك مش بتحتاحي ترطبي قبله لان فيه shea butter و panthenol و كمان water resistant يعني لو بيتنزلي مايه او بتتعلمي سباحه هيكون مناسب جدا
*و الspf فيه +50 و نسبه الحمايه ديه مناسبه جدا مش بنحتاج اكتر من كده
*الصن بلوك ده بيوعدك انو هيحميكي من التجاعيد اللي بتسببها الشمس و ديه حاجه مهمه جدا
* انا بشرتي دهنيه بس لما جيت اشتريه كان ف عرض في صيدليات العزبي و ملحقتش غير اللي هوا بيناسب البشره العاديه او الجافه بس الغريبه انو مضايقنيش خالص ولا عمل لمعه ف وشي ولا طلعلي حبوب و حسيتوا كويس جدا مع بشرتي ده اللي هوا انبوبته رفيعه
*اللي انبوبته تخينه شويه حسيتو عايز بشره جافه اوي ده و بيدي لمعه ف الوش عكس التاني بس قولت عادي هستعملو ف الشتا لان بشرتي بتجف ف الشتا
بس كده يا قمرات يارب يكون الريڤيو عجبكوا  

تم النشر قبل 37 minutes ago بواسطة إيناس خالد 🌼